▪Birinci hədis:
«Ramazanın əvvəli rəhmət, ortası bağışlanma, sonu isə cəhənnəmdən qurtuluşdur».
Zəif hədislər silsiləsi (1569)
Şeyx Albani hədisə münkər demişdir.
▪İkinci hədis:
«Oruc tutun ki, sağlam olasınız».
Zəif hədislər silsiləsi (253)
Şeyx Albani hədisə zəif demişdir.
▪Üçüncü hədis:
«Kim Ramazandan bir gün üzrsüz, xəstəlik olmadan orucunu açarsa, bir il oruc tutsa belə, həmən orucu ödəmiş olmaz».
Daifut-Tirmizi. (723).
Şeyx Albani hədisə zəif demişdir.
▪ Dördüncü hədis:
«Əgər qullar Ramazanda nələrin olduğunu bilsəydilər ümmətim bütün ilin Ramazan olmasını istəyərdilər. Xuzaə qəbiləsindən bir nəfər kişi dedi: ey Allahın Elçisi! Bizə bu haqda danış. Rəsulullah ﷺ dedi: Cənnət Ramazan ilə başdan ayağa qədər bəzənər….».
Daifut-tərğib. (596).
▪ Beşinci hədis:
«Allahım, Şaban və Rəcəbi bizim üçün bərəkətli et və bizi Ramazana yetişdir».
Daiful-Cə’mi. (4395).
Şeyx Albani hədisə zəif demişdir
▪ Altıncı hədis:
«Rəsulullah ﷺ iftar edəndə deyərdi: Allahım, Sənin üçün oruc tutdum və Sənin verdiyin ruzi ilə iftar etdim».
Daiful-Cə’mi. (4394)
Şeyx Albani zəif demişdir
▪Yeddinci hədis:
«Ramazan ayına Ramazan deməyin, çünki, Ramazan Uca Allahın adlarındandır, lakin Ramazan ayı deyin».
Zəif hədislər silsiləsi. (6768).
Şeyx Albani hədisə batil demişdir.
Hazırladı: Nail Paşayev
