Ləzgi Məscidində söylənilmiş cümə xütbəsi (15.06.2012)
Qəlb xəstəliyi, qəlbdə törəyən nasazlığın bir növüdür. Bu pozuntu qəlbin təsəvvür və iradəsini korlayır. Qəlb artıq onu çulğamış şübhələri təsəvvürünə gətirir, o elə bir vəziyyətə düşür ki, daha haqqı görə bilmir və yaxud onu görsə də onun əsl halının əksini görməyə başlayır.
Allah təala əl-Bəqərə surəsində münafiqlər barəsində belə buyurur: «Onların qəlbində xəstəlik vardır və Allah da onların xəstəliyini atrırmışdır». (əl-Bəqərə, 10)
Əl-Həcc surəsində buyurur: “Belə edər ki, şeytanın gizli təlqini, qəlbində xəstəlik olanlar və qəlbi sərt olan insanlar üçün bir sınaq vasitəsinə çevirsin” (əl-Həcc, 53)