Uca Allah Loğman surəsində buyurur:
«İnsanlar arasında elələri də var ki, heç bir biliyi olmadan (başqalarını) Allah yolundan sapdırmaq və (Allahın ayələrini) lağa qoymaq üçün boş-boş sözləri satın alırlar.»
(Loğman surəsi, 6).
▪️Ümmətin böyük alimi İbn Abbas (Allah ondan razı olsun) deyib: «Bu ayə musiqi barədədir.» Mucahid deyib: «Zərb alətləri bura aiddir.» (Təfsir Əl-Tabəri 21/40). Həsən əl-Bəsri deyib: «Bu ayə musiqi və musiqi alətləri barədə nazil olub.» (Təfsir İbni-Kəsir 3/451).
Peyğəmbər ﷺ deyib: «Ümmətimdən bəzi qövmlər olacaq ki, zinanı, ipəyi, içkini və musiqini (və müsiqi alətlərini) halal sayacaqlar.»
(Səhih əl-Buxari 5590).
Əbu Hureyra ( Allah ondan razı olsun) Peyğəmbərin ﷺ bele dediyini nəql edir: «Mənim ümmətimdən bir qövm, axır zamanda meymun və donuzlara çevriləcək. Belə deyildi : «Ey Allahın Elçisi ﷺ, Onlar «Lə iləhə illəllah» deyib və sənin Allahın elçisi olduğunu təsdiq edib oruc tutacaqlar? «Bəli«- dedi. Ona ﷺ belə deyildi : «Elə isə nədir bu hala düşməklərinin səbəbi?» O ﷺ belə dedi: «Müğənni qadınların iştirakı ilə zərb alətli musiqi və içki məclisləri düzəldib gecəni içki və əyləncə ilə keçirəcək, səhərə artıq meymun və donuzlara çevriləcəklər.»
Əl-Qurtubi, ət-Təzkira 645.
Hazırladı: Elnur Əliyev
