Rəhmli və Mərhəmətli Allahin adi ilə
Allah bəndəsini qoruyan əməllər
Hiddət və qəzəbdən qorunma
Suleyman ibn Surad (Allah ondan razı olsun) rəvayət edirki: “Bir dəfə, peyğəmbər (Allahın ona salavat və salamı olsun) ilə bir məclisdə olduqda, iki nəfər biri-biri ilə sözləşdi və onlardan birinin üzü qızardı və boğazındakı damarları şişdi. Bunu görən peyğəmbər (Allahın ona salavat və salamı olsun) dedi: “Həqiqətən mən elə kəlmələr bilirəmki, o onları desə mütləq sakitləşər. Əgər o: “Lənətlənmiş şeytandan Allaha sığınıram” desə, qəzəblənməz”. Həmin adama dedilər: “Peyğəmbər (Allahın ona salavat və salamı olsun) dediki, sən lənətlənmiş şeytandan Allaha sığınasan”. əl-Buxari, 6115; Muslim, 2610.
اَعُوذُ بِاللَّهِ مِنَ الشَّيْطَانِ الرَّجِيمِ
/Ə‘uzu bi-Lləhi minəş-şeytani-r-racim/.
Yükləاَعُوذُ بِاللَّهِ مِنَ الشَّيْطَانِ
/Ə‘uzu bi-Lləhi minəş-şeytan/.
YükləƏbu Dərda (Allah ondan razı olsun) rəvayət edirki: “Günlərin bir günü mən dedim: “Ey Allahın rəsulu, mənə elə bir əməl de ki məni cənnətə salsın”. Peyğəmbər (Allahın ona salavat və salamı olsun) dedi: “Qəzəblənmə və Cənnətə daxil olacaqsan”. At-Tabarani “əl-Ausat” əsərində, 2353. Hədis səhihdir.
Hazırlayan: Sultan Abu Muhammad (salaf-forum)
Rus dilindən tərcümə: Əbu İmran əs-Sələfinindir
Sonda Həmd olsun aləmlərin Rəbbi Allaha
